lasnir púkar og eru ekkert að skána

þá er þriðji innidagur púkanna vegna veikinda og mikið óskaplega langar þeim að fara út að leika og fara á leikskólann,en það verður að bíða og einhvernveginn fellur sá grunur að þessi vika fari í að þau verði heima,og veðrið er yndislegt og ekki mikið hægt að njóta þess,en sumarið er vonandi rétt að byrja og við horfum bjartsýn á næstu vikur,

á morgnanna fara púkarnir í gufubað til að losa um allt sem er grjóthart,fast og grænt á nefinu og út á kinnar,og það líkar þeim vel,svo er matarlistin bara nokkuð góð ennþá,elsta dóttirin er nokkuð hress en á í vanda með vaxtaverki og mikið er að togna úr henni ásamt öðrum líkamsbreytingum og er hún eitthvað að hugsa um þetta allt saman og veit að það má alveg spjalla um það sem henni langar að vita,

við hjónin spjöllum um allt milli himins og jarðar og fyrir stuttu erum við að spjalla um breytta lífshætti frá því er við vorum börn,ekki svo ýkja langt síðan eða hvað en hvað gerir það að verkum að börn í dag og margt fullorðið fólk er í svona mikilli yfirvigt ? er það kannski svo mikill hraði á öllu ásamt breyttum lífsgæðum og áheyrslum að heimilið fer oft forgörðum ásamt fjölskyldunni ? fólk svo yfirkeyrt að það grípur það þægilegasta og fljótlegasta ? börn með lykla um hálsin og verða að bjarga sér sjálf mest allan daginn þegar engin skóli er ? ekki það að þau hafi gott af því að getað bjargað sér en spuriningin er sú,hvað er til handa því þegar heim er komið eða taka með sér ? það er ekki mikið mál að útbúa holt og fljótlegt til að taka með sér og hafa heima, hverju nennum við eða gefum okkur tíma ? en ekkert að því að stundum er breytt út af vananum,það er mjög gaman að gera saman mat og baka

þegar við vorum að alast upp þá var ávalt heimatilbúin matur á kvöldin og oftast í hádegi og meira að segja stundum grautar eða súpur í eftir rétt,svo var mikið bakað,notast við það sem náttúran gefur eins og berin,fjallagrös,og matjurtargarður í garðinum,farið að veiða í vötnum og svo framvegis.

áhyggjulaus voru börnin úti að leika sér,komu inn þegar þau voru svöng,og ýmislegt brallað og skoðað,sem í dag væri bara nánast lífshættulegt að kanna ,já börnin á hreifingu og borðuðu venjulegan heimilismat,en gaman að fá ýmsar nýjungar í mat,ávöxtum og grænmeti en sumt eða margt er löngu komið út í öfgar,litlu krílin sem byrja að borða að þá er pakka og krukkumatur og ekki gefa t,d. fisk og skyr og ýmislegt annað en það hefur nú ekki skaðað húsfreyjuna og hennar systur og fullt af öðru fólki,börnin okkar hafa fengið að smakka venjulegan heimilismat en bara lítið í einu,og ekki hafa þau hlotið skaða af og oft var talað um að það mætti ekki þegar farið var með þau í reglubundnar skoðanir,en margt fólk gerir það sem það getur og margt fólk hefur ekki mikið um að velja,

og þegar ferðalögin eru farin þá var bara haft bretti og hníf og skorið niður í bílnum ýmislegt grænmeti,ávexti og gefið skyr ásamt smurðu brauði með ýmsu áleggi,það er ekkert mikið mál ef nennirinn er fyrir hendi að útbúa gott nesti.

það er líka gott að hafa í litlum boxum eða poku,blandað saman rúsinum og cheeriosi og í öðru boxi ber og epli

jamm ýmislegt rætt um og pælt fram og til baka hér á bæ

en að öðru leiti hefur dagurinn í dag bara gengið sinn vanagang,snýtt og huggað, bakað bananabrauð,tebollur og skúffukaka,sett í þvottavél og hengt út,farið í boltaleiki hér á ,stóra ganginum, lesin saga,litað og teiknað,setið saman við eldhúsborðið og smakkað á nýbökuðu bakkelsi og haft gaman af ,

svo er eldaður kvöldmatur og í boði var steiktur fiskur ásamt karteflum og fersku grænmeti og tómatsós,börnin lúin upp úr kl sjö og þá háttað og hiti mældur,stílar gefnir og hóstasaft,lesin kvöldsagan og í bólið rétt rúmlega hálf átta, bóndinn á áframhaldandi námskeið á vegum björgunarsveitarinnar,elsta dóttirin er úti að leika og er boðin gisting hjá vinkonu,og í dag þegar fótboltaæfingin var þá kom í heimsókn landsliðs þjálfari stelpnanna ásamt tveimur stelpum úr landsliðinu og það var víst mjög gaman .

en nú er komið að leiðarlokum í kvöld, njótið kvöldsins og vel í nótt

kv húsfreyjan

Athugasemdir

[Húsmóðir, 11.6.2009 kl. 20:36]

Hæ skvís - var heima með veikan gemling í dag en fer í vinnu á morgun ( stefnir allavega allt í það )  - kíki á þig við fyrsta tækifæri.

[Anna Ágústa Bjarnadóttir, 12.6.2009 kl. 12:26]

ójá við sjáumst fljótlega,við erum svo ungar og eigum hellings tíma til að hittast

kv úr neðri byggð