Hugleiðing,,,,,,,,,,,tileinkað mömmu

í dag eru fimm ár síðan móðir mín lést eftir harða baráttu við skæðann sjúkdóm og langar mig til þess að minnast hennar í þessari hugleiðingu,það er svo óskaplega margt sem mig langar að segja svo margt í hjarta mínu sem þarf að komast út,sá tími sem mamma átti með okkur er mjög dýrmættur og sá tími er vandlega geymdur í hjarta og sál,hún sá alltaf til þess að okkur skorti ekki það sem henni fannst skifta mestu máli,meðal annars að koma vel fram, þakka fyrir okkur, hún var mikið fyrir að baka og elda og vorum við systurnar ávalt ekki langt undan, mömmu fannst mjög gaman að halda veislur og var þá fjölmennt heima ,við ferðuðumst mikið og sérstaklega á sumrin og gistum við í nokkuð stórum bíl og ferðuðumst kringum landið oftar en einu sinni og oftar en tvisvar,pabbi stundaði þá í mörg ár minkaveiðar og mikið ferðast í kringum veiðarnar,

það eru svo ótal margar æskuminningar sem ég get sagt frá en þá væri ég lengi,lengi að segja frá en t,d. á þessum árstíma og það fyrsta sem minntu okkur á að jólin kæmu eftir marga daga að fyrsta nóvenber þá skreytti verslun sem heitir Rammagerðin fyrsta gluggann í verslunum með jólasveininum sem veifaði,svo leið nóvenbermánuður mjög hægt og desember kom loksins þá gerðust hlutirnir, jólabakstur,jólahreingerningar,jólagjafakaup og á þorláksmessu þá var alltaf farið til ömmu og afa í bænum og borðað saman skötu og dagurin endað á að rölta saman laugarveginn en þá var engin kringla til og fólk kom saman við þessa götu og gatan lokuð bílaumferð og svo margir á ferðinni,jólasveinar að gefa epli og syngja með börnunum,aðfangadagur í rólegheitum með barnaefni á einni stöð,mamma að undirbúa kvöldið og jólakveðjurnar lesnar í útvarpinu,kortaútburður og natrað í góðgæti meira og minna,við borðuðum alltaf hangikjöt og kaldann ávaxtagraut í eftirrétt þennan dag,jólin alltaf friðsæl.

mikið óskaplega sakna ég mömmu minnar og einhvernveginn finnst mér að hún eigi alltaf að vera til staðar,mömmur vita ótalmargt og gefa góð ráð,mömmur passa upp á að muna eftir treflinum,húfunni og vettlingunum,muna eftir lýsinu,borða matinn sinn,gefa knús og kossa já ég get talið margt upp,ég hugsa til hennar á hverjum degi og er ekki í vafa um að hún átti þátt í að litlu krílin okkar náðu að dafna eftir lyfjameðferð,þá var mikið hugsað til mömmu og bænirnar urðu nokkrar til hennar,hún hefur komið í draumum og í vöku,það er ólýsanleg tilfinning.

langar að lokum að enda hugleiðingu mína á ljóði tileinkað mömmu

                                                  Ég horfi út um gluggann

                                                  heyri í vindinum,heyri í regninu,

                                                  finn fyrir þér,heyri í þér,

                                                  sný mér við en sé þig ekki,

                                                  langar að sjá þig,langar að finna þig,

                                                  langar að finna fangið þitt og leggja

                                                  höfuð mitt að brjósti þínu og finna hjartslátt þinn,

                                                  vera þar lengi,lengi og eiga stund með þér,

                                                  vil geta gefið þér tárin mín,

                                                  tárin berjast við að koma fram og renna niður kinnar mínar

                                                  sameinast þínum tárum,er ég finn fangið þitt,

                                                  elsku mamma mín ég sakna þín.