hagræðing á okkar bæ

jæja þá er loks tími til að blogga aðeins,það er búið að vera nokkuð annasamir dagar og á kvöldin þá tekur svefninn völdin snemma,við hjónin höfum verið að hagræða hér á bæ , er ekki mikið talað um að hagræða hér og þar ? allavega hafa stjórnarmenn þjóðarinnar notað það orð nokkuð mikið síðustu vikur, en já við tókum upp á því að hagræða þvottarhúsinu sem er nú framlenging á eldhúsinu,og þar var öllu snúið við tók reyndar nokkur kvöld og það varð að skapa betra aðgengi að ísskáp,þvottarvél,þurkara og frystikistu,já það kemst ótrúlega mikið þarna inn og ekki er nú framlengingin stór þar en aðgengið varð betra og hagræðingin tókst bara nokkuð vel  eigum eftir að setja upp nokkrar hillur en það verður nú fljótlegt þegar búið er að fá festingar,já það er sko alveg hægt að hagræða því sem maður vill,

en ætla nú ekki að fara að ræða frekar það sem er nánast bara talað um þegar fréttir eru bæði í útvarpi og sjónvarpi,nenni því bara ekki og við hjónin eru ekkert neitt voða stressuð yfir þessu,höfum reyndar aðeins rætt þetta en sá litli tími sem fjölskyldan er saman þá höfum við miklu betra við tímann að gera og nýtum hann vel og skemmtilegra

svo er nú mjög stutt í þriggja ára afmæli krílanna okkar og við erum búin að skipuleggja það og er nú ekki verið að hafa það neitt flókið,það verður boðið upp á gómsæta súpu með brauði,gamaldags rjómaterta með perum,bönunum og súkkulaðidropum,súkkulaði afmælisterta og rice krispis möffins já og auðvitað ekta heitt súkkulaði með rjóma og afmælisdagurinn ber upp á laugardegi fyrsta vetradag 25 þessa mánaðar,eigum von á nokkrum ættingjum og vinum en einhverjir verða annaðhvort úti á landi eða í innkaupaferð utanlands en það er alltaf gaman og vel borðað af veitingum

fjölskyldumeðlimir hér eru bara nokkuð frískir fyrir utan húsfreyjuna en það er nú allt að koma eftir ferð til kvennalæknis fyrir tæpum mánuði,fékk hringingu frá þeim læknir í s,l. viku og niðurstaða úr rannsóknum var sú að aftur er komin upp sjúkdómur sem heitir legslímuvilla og lýsir það sér að slímhúðin sem myndast legi og fer svo ca 28 daga fresti að það hefur verið að dreifa sér um kviðarholið og valdið miklum verkjum og miklum eða stopulum blæðingum síðan s,l. vetur,og vonumst nú til að ástandið fari nú að lagast en alltaf er hætta á að þetta komi upp aftur og aftur eins og hefur verið að gera í almörg ár  með tilheyrandi leiðindum

húsfreyjan hefur verið mjög dugleg við að fara í Orkubúið og farið sex daga vikunar í tæpar fjórar vikur og líka þá daga sem líkamsástandið hefur ekki verið upp á sig besta og hefur bara gengið nokkuð vel að æfa er reyndar með Ásdísi sem passar upp á að æfingar séu réttar og mjög gaman í tímum með henni og hinum konunum,sjálfstraustið er aðeins betra og gott að getað aðeins spjallað við hinar konurnar,

en jæja ætla að láta þetta duga í dag,vona að það líði nú ekki alveg svona langt á milli blogga,bið að heilsa ykkur þar til næst,hafið það nú notalegt og látið ykkur líða vel

 kveðja 

 

Athugasemdir

[Helga Guðrún Sævarsdóttir (IP-tala skráð) 10.10.2008 kl. 00:26]

Hæhæ  bara að kvitta fyrir innlitið

[Ásta Björk Hermannsdóttir, 10.10.2008 kl. 13:06]

Kvitt kvitt ég er alltaf á leiðinni í kaffi...en sko...sjáðu til...það er svo skelfilega langt að labba.....alla leið yfir götuna sko